چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
كەناڵی (وەن نیوز)ی عێراقی لە راپۆرتێكدا، لە زاری چەند سەرچاوەیەكی ئاگەدارەوە بڵاو كردەوە كە بەهۆی ئەوەی بافڵ تاڵەبانی، هاوسەرۆكی یەكێتی لەگەڵ سەركردەكانی پەكەكەدا خەریكی بازرگانیكردنە بە مادەی هۆشبەر و بازرگانیكردن بە مرۆڤ و چەك و قاچاخچێتی بە دۆلار و سپیكردنەوەی پارە، ئەگەری زۆرە بخرێتە لیستی تیرۆرەوە.
سەرچاوەكان بە كەناڵە عەرەبییەكەیان راگەیاندووە كە بافڵ تاڵەبانی نەك هیچ هەستێكی نەتەوەیی نییە بۆ گەلی كوردستان، بەڵكو لەگەڵ پەكەكەدا دژی بەرژەوەندییەكانی هەرێمی كوردستان كار دەكەن و هاوكاریی پیلانگێڕان لەلایەن دوژمنانی كورد دەكەن.
هەروەها كەناڵەكە باس لەوە دەكات كە بافڵ تاڵەبانی لە ناو هەرێمی كوردستاندا، خەریكی دژایەتیكردنی حكوومەتی هەرێمی كوردستانە و سەرپەرشتیی گرووپی تاوانكاری و كاری مافیاگەری دەكات.
