چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
پەیامێک لە مەکتەبی سیاسیی پارتی دیموکراتی کوردستانەوە
ڕێککەوتنی نێوان حکومەتی فیدڕاڵی عێراق و حکومەتی هەرێمی کوردستان لەبارەی هەناردەکردنی نەوت هەنگاوێکی گرنگ و مێژوویی و جێگەی خۆشحاڵییە. بەو بۆنەوە پێزانینمان بۆ ڕۆڵ و پەرۆشیی بەڕێز محەمەد شیاع سوودانی سەرۆکی حکوومەتی عێراقی فیدڕاڵ و بەڕێز مەسرور بارزانی سەرۆکی حکوومەتی هەرێمی کوردستان هەیە و دەستخۆشیان لێ دەکەین، هەروەها دەستخۆشی لە لیژنەی تایبەتی گفتوگۆ و هونەری هەردوو حکومەت دەکەین کە لە گشت قۆناغەکاندا بەوردی و بەرپرسیارانە کاریان کردووە.
هیوادارین ئەو رێککەوتنە کۆتایی بە سەرجەم کێشەکان بهێنێت و لە بەرژەوەندی هەموو خەڵکی عێراق و کوردستاندا بێت. ئێمە لە مەکتەبی سیاسیی پارتی دیموکراتی کوردستان پشتگیری لە هەوڵ و کۆششەکانی هەڤاڵی بەڕێزمان مەسرور بارزانی دەکەین لە چارەسەرکردنی کێشەکان لەگەڵ حکومەتی فیدڕاڵ، ئەم هەنگاوە و چارەسەرکردنی کێشەکان سەقامگیری و پێشکەوتنی عێراق بەدوای خۆیدا دەهێنێت لە هەموو بوارەکاندا.
مەکتەبی سیاسیی
پارتی دیموکراتی کوردستان
٤ـی٤ـی٢٠٢٣
