چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
جێگرى پارێزگارى هەولێر: ئەو دەنگۆیەی باس لەوە دەکەن داوای گۆرانیی کوردییم لە دیسکۆ کردووە، راست نییە، ئەو میدیایانەی قسەی من و خەڵکی دیکە دەشێوێنن و شتی ناڕاست بڵاو دەکەنەوە، زیان بە ناوبانگی خۆیان دەگەیەنن, پرسیاری لێ کراوە، ئاخۆ بڕیار هەیە شوێنە نەشیاوەکان دابخرێن؟ ”منیش لە وەڵامدا گوتم، ئێمە لێپێچینەوەمان لەگەڵ شوێنە نەشیاوەکان کردووە، هەوڵمان داوە رێکیان بخەینەوە، چونکە خەڵکیان بێزار کردووە و سکاڵایان لەسەر هەبووە، بەشێکیشیان پێداچوونەوە بە مۆڵەتەکانیان کراوە
جێگری پارێزگاری هەولێر دووپاتیشی كردەوە: ”من باسی ئەوەم کردووە، کە رێنمایی ئێمە بۆ کافێ و رێستۆرانتەکان، لەوانەی لایڤ میوزیکیان تێدایە و گۆرانیی زیندوویان تێدا دەگوترێ و خێزانی من و ئێوە دادەنیشێت، هەیانە هەفتەی چەند رۆژێک لایڤ میوزیكیان تێدایە، پێویستە چەند بڕگەیەک گۆرانیی کوردییان تێدا بگوترێ و هەر بە تەنیا گۆرانیی عەرەبی و ئینگلیزی نەگوترێ، باسى دیسکۆم نەکردووە.
