مەسرور بارزانی پیرۆزبایی لە ڕیشی سوناک دەکات

سەرۆکی حکوومەتی هەرێمی کوردستان پیرۆزبایی خۆی ئاراستەی ڕیشی سوناک دەکات بە بۆنەی دەستنیشانکردنی وەک سەرۆک وەزیرانی بەریتانیا.

مەسرور بارزانی، سەرۆکی حکوومەتی هەرێمی کوردستان ئەمڕۆ سێشەممە 25ـی 10ـی 2022 لە تویتێکدا پیرۆزبایی لە ڕیشی سوناک، سەرۆک وەزیرانی نوێی بەریتانیا کرد.

سەرۆکی حکوومەت لە تویتەکەیدا جەختی کردۆتەوە کە بەوپەڕی خۆشحاڵییەوە چاوەڕێی کارکردنم لە نزیکەوە لەگەڵ ئێوە بۆ زیاترکردنی هاوکارییەکانمان و پتەوکردنی پەیوەندی دۆستانەی بەهێز لەنێوان هەرێمی کوردستان و بەریتانیا دەکەم.