چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەرپرسێکی بزووتنەوەی گۆڕان لە ئەنجومەنی پارێزگای سلێمانی ڕایگەیاند، ئامادەن پۆستی پارێزگاری سلێمانی ڕادەستی یەکێتی بکەنەوە و دەڵێت: چاوەڕێی كاندیدی یەكێتین.
بارزان شێخ محەممەد، جێگری سەرۆکی ئەنجومەنی پارێزگای سلێمانی لە پشکی بزووتنەوەی گۆڕان ڕایگەیاندووە، ئامادەییان دەربڕیوە پۆستی پارێزگاری سلێمانی بدەنەوە بە یەکێتیی نیشتمانیی کوردستان.
لەبەرامبەردا، سەباح فەتاح، سەرۆکی فراکسیۆنی یەکێتیی نیشتمانیی کوردستان لە ئەنجوومەنی پارێزگای سلێمانی وتی: تا ئێستا بزوتنەوەی گۆڕان بە فەرمی بە ئێمەی نەوتووە کەسێك بۆ پۆستی پارێزگاری سلێمانی دیاری بکەین.
