پارتی دەستی بە کارەکان بۆ ئەنجامدانی کۆنگرە کردووە

رۆژی سێشەممە، 17ـی تەمموزی 2022، نەجات حەسەن، جێگری سەرۆکی لیژنەی ئامادەکاری کۆنگرەی پارتی دیموکراتی کوردستان گوت: “هەمووشتێک دیاریکراوە و رۆژی کۆنگرەشمان دیاریکردووە، بەڵام چەند وردەکارییەک ماون، بۆیە لە رۆژانی داهاتوودا زانیاری زیاتر و کاتی کۆنگرەکە دەخەینەڕوو”.

بۆ کۆنگرەی ئەمجارە، پارتی دیموکراتی کوردستان، پێنج لیژنەی باڵا لە پارێزگاکانی هەولێر، سلێمانی، دهۆک، کەرکووک و نەینەوا پێکدەهێندرێن. نەجات حەسەن دەڵێت: “بەردەوام پەیوەندیمان لەگەڵ سەرۆک بارزانی و مەکتەبی سیاسیی هەیە بۆ باشتر بەڕێوەچوونی کارەکان”.

هەر یەکێک لە لیژنەکان کەسێک وەکو سەرۆک سەرپەرشتی دەکات و چەند ئەندامێکی دەبێت و لەگەڵ ئەنجوومەنی سەرکردایەتیی ناوچەکان و لقەکان پەیوەندییان دەبێت بە ئامانجی ئەوەی هەموو ئەندامانی حیزبەکە بچنە سەر سندووقەکانی دەنگدان بۆ دیاریکردنی نوێنەری خۆیان بۆ کۆنگرە.