پۆلیسی راپەڕین: لە گوندێکی هەڵشۆ کەسێک کوژرا

گوتەبێژی پۆلیسی راپەڕین بە رووداوی راگەیاند، تەرمی هاونیشتمانییەک گەیێندراوەتە نەخۆشخانەی قەڵادزێ و دەرکەوتووە کە ” پۆلیسێکی بەرگریی فریاکەوتن بە گوللـەی کڵاشینکۆڤ کوژراوە.”

شەوی هەینی 15-7-2022، شۆڕش ئیسماعیل، گوتەبێژی پۆلیسی راپەڕین چرکە راگەیاند، کەمێک پێش ئێستا لە گوندی تووەڕەشان-ی سەر بە ناحیەی هەڵشۆ “هاونیشتمانییەک بەناوی (م. م.ر) لەدایکبووی ساڵی 1982 پیشەی پۆلیس لە بەرگریی فریاکەوتن کوژراوە.”

گوتەبێژی پۆلیسی راپەڕین دەشڵێت، “شوێنەواری گوللـەی جۆری کڵاشینکۆف بە سەرییەوە دیارە و لە دادپزیشکی توێکاری بۆ تەرمەکەی دەکرێت.”