چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەمڕۆ پێنجشەممە فراکسیۆنی پارتی لە پەرلەمانی کوردستان بەیاننامەیەكی لەبارەی دۆخی مووچەخۆران و خانەنشینان لە هەڵەبجە، سلێمانی، گەرمیان و ڕاپەڕین بڵاوكردەوە.
لە بەیاننامەكەدا هاتووە “وەکو فراکسیۆنی پارتی لە پەرلەمانی کوردستان ئەوپەڕی نیگەرانی خۆمان ڕادەگەیەنین لەبارەی دۆخی خانەنشینان لە پارێزگای سلێمانی و هەموو مانگێک بەهۆی کەمتەرخەمی ئیدارەی ناوخۆیی چەندین دیمەنی تراژیدی و خەمهێن دەبینین و لەم بابەتەدا بەتەنها بەنیگەرانییەک بێدەنگ نابین و له چوارچێوهی ئهركی پهرلهمانیمان له نوێنهرایهتیكردنی گهلی كوردستان هەڵوێستی جدیمان دەبێت”.
دەشڵێ “ئێمە ڕاستەوخۆ لە دووبارەبوونەوەی ئەم حاڵەتە ئیدارەی ناوخۆیی سلێمانی و حزبی خۆسەپێن بە کەمتەرخەم دەزانین و نازانین خەڵکی مووچەخۆر و بەتەمەن گوناهیان چییە کە باجی گەمەی سیاسی ناشیرینی ئەوان بدەن”.
لە كۆتایی بەیاننامەكەشدا هاتووە “لێرەشەوە لایەنی پەکخەری پەرلەمان ئاگادار دەکەینەوە کە بەم دۆخە و بەم هەموو وێنە تراژیدییە ویژدانیان نەجوڵێت بۆ ئەوەی دانیشتنی پەرلەمان ئەنجام بدرێت، هۆکار و بەرپرس و کەمتەرخەمی ئەم کارە لێپێچینەوەی لەگەڵ بکرێت، ئیدی هیچ مانەیەک بۆ وجودیان نامێنێت و نابێت پێیان بگوترێت نوێنەری خەڵک و باجی بهرپرسانی دۆخی ئهم سنووره باجی بێباكیان دهدهن”.
