جووتیار عادل:کۆمپانیا نەوتییەکان دڵنیادەکەینەوە کە پابەندین بەڕێککەوتنەکانمان بەرامبەریان‌

جوتیار عادل وتەبێژی حکومەتی هەرێم ڕایدەگەیەنێت، “کۆمپانیا نەوتییەکان دڵنیادەکەینەوە کە پابەندین بەرێککەوتنەکانمان بەرامبەریان”.

جوتیار عادل وتەبێژى حکومەتى هەرێم لەچاوپێکەوتنێکدا ڕایگەیاند، “کۆمپانیا نەوتییەکان دڵنیادەکەینەوە کە پابەندین بەڕێککەوتنەکانمان بەرامبەریان‌و گومان لەهیچ ڕەفتارو بڕیارێکى خۆمان ناکەین لەکەرتى نەوتدا، ئەو بڕیارانەى داومانە دەستورى‌و یاسایین‌و ئێستاش لەگەڵ بەغدا بەردەوامین لەگفتوگۆ”.

وتیشى:”ئێمە ئامادەبوین بەهاى 250 هەزار بەرمیل نەوت‌و نیوەى داهاتە فیدراڵییەکان ڕادەستى بەغدا بکەین، دواتر چاودێرى دارایی هاتە هەرێم‌و وردبینى کرد لەوبارەیەوە، بەڵام بڕیارەکەى ئێستا هەموو ئەو هەوڵانە دەخاتە ژێر پرسیارەوەو کۆسپ لەبەردەم هەردوو حکومەت دروستدەکات”.

بەوتەی جوتیار عادل، “پابەندین بەڕێککەوتنەکانمان لەگەڵ بەغدا، هەموو ڕێکارە دەستوریی‌و یاساییەکان دەگرینەبەر بۆ بەرگریکردن لەمافە دەستورییەکان‌و پاراستنى ڕێککەوتنەکان‌و گرێبەستەکان لەگەڵ کۆمپانیا نەوتییەکان”.