چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
موقتەدا سەدر، رێبەری رەوتی سەدر لە تویتێکدا رایگەیاند، پێویستە پەرلەمان رۆڵی چالاکیی خۆی دەستپێبکات و رێگە لە هەموو دەستوەردانێکی حیزبی و سیاسی دەسەڵاتی دادوەری بگرێت.
موقتەدا سەدر، رێبەری رەوتی سەدر رایگەیاند، داوا لە پەرلەمانی عێراق دەکات پەلەبکات لە پێکهێنانی حکومەتی چاکسازی و حکومەتی زۆرینەی نیشتیمانی ، هەروەها داوا دەکات رۆڵی پەرلەمان چالاک بکرێت بۆ رێگری لە دەستووەردانی حزبی لەکارەکانی دادگا.
موقتەدا سەدر ئەمڕۆ سێشەممە لەهەژماری تایبەتی خۆی لەتویتەر پەیامێکی بڵاوکردەوە و باسی لەوەشکردووە، کاری پەرلەمان تەنها پێکهێنانی حکومەت و هەڵبژاردنی سێ سەرۆکایەتییەکە نیە، بەڵکو دەبێت پەرلەمان کار بکات بۆ خزمەتکردنی هاووڵاتیان و پرۆسەی چاکسازی و چاودێری چالاکتر بکات.
ئاماژەی بەوەشکردوە، داوا لەپەرلەمان دەکات پەلەبکات لە پێکهێنانی حکومەتی چاکسازی و حکومەتی زۆرینەی نیشتیمانی، هەروەها داوا دەکات لیژنەکانی پەرلەمان چالاک بکرێن و هەرکەسێک گومانی گەندەڵی لەسەر بوو، بانگ بکرێت بۆ لێپرسینەوە جا ئەگەر لەهەر پلە و پۆستێکدا بێت.
رێبەری رەوتی سەدر باسی لەوەشكردووە، داوا دەکات پرۆژە خزمەتگوزارییەکانی بەزوترین کات دەستپێبکەنەوە و ئەو پڕۆژانەش کە بەهەر هۆکارێک دواکەوتوون لێپرسینەوە لەگەڵ فەرمانگە حکومییەکان و کۆمپانیاکاندا بکرێت، هەروەها داوا دەکات رۆڵی پەرلەمان چالاک بکرێت بۆ رێگری لە دەستووەردانی حزبی لەکارەکانی دادگا.
