چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
نیگەرانی لە جیاوازی نرخی دەرمان لە دەرمانخانەکان بەردەوامی ھەیە و بەڕێوەبەری کۆنترۆڵی جۆری دەرمانیش باس لە ھۆکاری بەرزی نرخی دەرمان و جیاوازییەکەی دەکات و راشیگەیاند، چەند کۆبوونەوەیەک لەوبارەیەوە کراوە و لە داھاتوو نرخەکان دەکرێتە دینار و گرفتەکە چارەسەر دەکرێت.
دکتۆر شیروان سادق بەڕێوەبەری کۆنترۆڵی جۆری دەرمان لە ھەرێمی کوردستان بە چرکە رایگەیاند، ھەوڵەکان بۆ یەکخستن نرخی دەرمان و لێدانی ستیکەری وەزارەتی تەندروستی بەردەوامە و دوای فراوان بوونی تاقیگەکانی دەرمان و زیادبوونی تیمەکانی ھەڵسەنگاندنی دەرمان لە ٥ی ٥ی ٢٠٢١ەوە لە ئێستادا ھەر جۆرە دەرمانێک بێتە ھەرێمی کوردستان لەکاتی خۆی مۆڵەتی بۆ کراوەو ستیکەری وەزارەتی تەندروستی لێدراوە.
