مه‌سرور بارزانی: شێخ شامۆ کەسایەتییەکێ نیشتیمانپەروەر و دیار و ژێهاتی یێ ئێزدییان بوو

 

ب هه‌لكه‌فتا كۆچباربوونا شێخ شامۆ، شێوردارێ سه‌رۆكێ حكومه‌تا هه‌رێما كوردستانێ ژبۆ كاروبارێن ئێزدیان، مه‌سرور بارزانی، سه‌رۆكێ حكومه‌تا هه‌رێما كوردستانێ پرسه‌نامه‌یه‌ك راستی ماڵبات و كه‌سوكارێن خودێ ژێ رازی كر، ئه‌ڤ ژی ته‌كستا وێیه‌:

بەهی و سەرەخۆشییەکا ب ژان و پەژارە یا خۆ ئاراستەی ماڵبات و کەسوکار و جڤاکا ئێزیدییان ب گشتی دکەم، کو مخابن ئەڤرۆ شێخ شامۆ شێخۆ نەعمو، کەسایەتیێ بەرنیاسێ کوردستانێ و سەرۆکێ دەستەیا بلندا بنکەیێ لالش یێ ڕەوشەنبیری و جڤاکی و شێوەرمەندێ سەرۆک وەزیران بۆ کاروبارێن ئێزدییان کۆچا داویێ کر.

ئەز خۆ ب هەڤپشکێ خەما وان دزانم. شێخ شامۆ کەسایەتییەکێ نیشتیمانپەروەر و دیار و ژێهاتی یێ ئێزدییان بوو، و خزمەتەکا بەرچاڤا دۆزا گەلێ کوردستانێ کریە و هەردەم بەرەڤانێ ماف و داخوازیێن کوردێن ئیزیدی بوو و رۆلەکێ گرنگ د پاراستن و خورتکرنا پێکڤەژیانا ئاشتییانە هەبوویە.

خودێ مەزن گیانێ وی ب بەهەشتێ شاد بکەت و سەبر و هەدارێ ب ماڵباتا وی یا بەڕێز و هەڤاڵ و خوشك و برایێن ئێزیدی ب بەخشیت.

گیانێ وی شاد و یادا وی ب خێر.

مەسرور بارزانی

سەرۆکێ حکومەتا هەرێما کوردستانێ