چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەمڕۆ پێنجشەممە 11ی نۆڤێمبەری 2021 مەسرور بارزانی سەرۆکی حکومەتی هەرێمی کوردستان، پێشوازی لە میکێلێ کامیرۆتا کونسوڵی گشتیی نوێی ئیتاڵیا لە هەرێمی کوردستان کرد.
سەرۆکی حکومەت، پیرۆزبایی دەستیەکاربوونی لە کونسوڵی گشتیی نوێی ئیتاڵیا کرد و هیوای خواست لە ئەرکەکانیدا سەرکەوتوو بێت و پەیوەندییەکانی نێوان هەرێمی کوردستان و ئیتاڵیا لە هەموو بوارەکاندا پەرە پێ بدات.
کونسوڵی گشتیی ئیتاڵیا، ئاماژەی بە گرنگیی بەهێزبوونی پەیوەندییەکانی وڵاتەکەی لەگەڵ هەرێمی کوردستان کرد و ئامادەیی ئیتاڵیای بۆ فراوانکردنی هاریکاریی و هەماهەنگیکردن لەگەڵ حکومەتی هەرێمی کوردستان راگەیاند.
