چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەمڕۆ یەکشەممە 3/10/2021، د. جووتیار عادل، گوتەبێژی حكوومەتی هەرێمی كوردستان لە لێدوانێكدا بۆ رۆژنامەنووسان ڕایگەیاند: “لە ئەنجوومەنی وەزیرانی عێراق دەنگ لەسەر ناردنی 200 ملیار دیناری مووچەی فەرمانبەرانی هەرێمی كوردستان دراوە و هیوادارین تاوەكو ڕۆژی پێنجشەممە بنێردرێت”.
هەروەها گوتەبێژی حكوومەتی هەرێمی کوردستان ئاماژەی بەوەشدا کە دابەشكردنی مووچەی مانگی نۆ بەردەوامی هەیە و نەوەستاوە.
سەبارەت بە دابەشكردنی نەوت، گوتەبێژی حكوومەتی هەرێمی كوردستان گوتی: “بڕیار دراوە هەموو ماڵێك بەرمیلێك نەوتی سپی پێ بدرێت و لە دوو ڕۆژی داهاتوودا وەزیری سامانە سروشتییەكانی هەرێمی كوردستان لەگەڵ وەزیری نەوتی عێراق كۆدەبێتەوە و گفتوگۆ لەسەر ئەو بڕە نەوتە دەكرێت كە دەنێرێت”.
جووتیار عادل ئەوەشی خستە روو کە سەرەتا لە ناوچە شاخاوییەكانەوە دەست بە دابەشكردنی نەوت دەكرێت.
