
مەسرور بارزانی، سەرۆکوەزیرانی هەرێمی کوردستان بە دوو پرسەنامەی جیاواز پرسە و سەرەخۆشی خۆی ئاراستەی دوو پەرلەمانتاری کوردستان دەکات بەبۆنی کۆچی دوایی دایکی پەرلەمانتار جەلال محەمەد و باوکی پەرلەمانتار حەسیبە سەعید.
ئەمەی خوارەوە دەقی هەردوو پەیامەکەیە:-
پرسەنامەی سەرۆکی حکومەتی هەرێمی کوردستان بۆ پەرلەمانتار جەلال محەمەد
بە داخەوە هەواڵی کۆچی دوایی دایکی بەڕێزتانم بیست. پرسە و سەرەخۆشیتان لێدەکەم و هاوبەشی خەمتانم. خوای مەزن گیانی بە بەهەشت شاد بکات و ئارامییش بە بنەماڵە بەڕێزەکەتان ببەخشێت.
مەسرور بارزانی
سەرۆکی حکومەتی هەرێمی کوردستان
پرسەنامەی سەرۆکی حکومەتی هەرێمی کوردستان بۆ پەرلەمانتار حەسیبە سەعید گەردی
بە داخەوە هەواڵی کۆچی دوایی باوکی بەڕێزتانم پێگەیشت. پرسە و سەرەخۆشیتان لێدەکەم و هاوبەشی خەمتانم. خوای گەورە گیانی بە بەهەشت شاد بکات و ئارامییش بە بنەماڵە بەڕێزەکەتان ببەخشێت.
مەسرور بارزانی
سەرۆکی حکومەتی هەرێمی کوردستان