چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
رێباز بێركۆتی كه تاكه كاندیدی باڵی كۆسرهت رهسووڵ عهلی بوو له بازنهی ههولێر، له ژێر گوشاری لاهوور جهنگی كه سهرۆكی هاوپهیمانییهكهی نێوان یهكێتی و گۆڕانه، كشایهوه.
سهرچاوهیهك له مهكتهبی سیاسیی یهكێتیی نیشتمانیی كوردستان له ههولێر، ڕاگهیاندووه:، له ژێر گوشاری لاهوور جهنگی و بهپیلان، ههوڵ دهدرێ كاندیدی كۆسرهت رهسووڵ له ههڵبژاردنی ئهمجارهی نوێنهرانی عێراق بهشداری نهكهن.
ڕوونیشی كردهوه كه رێباز بێركۆتی تاكه كاندیدی كۆسرهت رهسووڵ بووه له ههولێر و لهلایهن دهرباز كۆسرهتهوه پێشنیاز كرابوو، بهڵام ئێسته له ژێر گوشاری لاهوور دهكشێتهوه.
ئهو سهرچاوهیه گومانی خۆی نهشاردهوه كه لاهوور لهگهڵ كۆمهڵی دادگهری لهسهر ئهو پرسه ڕێككهوتبێت، چونكه ههمان بازنهی رێباز بێركۆتی، بازنهی عهبدولستار مهجیده كه كۆمهڵ مهبهستی زۆری ههیه لهو ههڵبژاردنه دهربچێ.
ئهو پیلانگێڕییه دژی كۆسرهت رهسووڵ لهناو یهكێتی نوێ نییه، بهڵكو له دوای كۆنگرهی چوارهمی یهكێتی كه له كۆتاییهكانی ساڵی 2019 بهڕێوه چوو، ههموو توانایهك خراوهته گهڕ بۆ ئهوهی كۆسرهت رهسووڵ و باڵهكهی بچووك بكرێنهوه، بۆیه تا ئێستهیش هیچ دهسهڵاتێك نهدراوه بهو ئهنجوونهكهی كه ناوبراو سهرۆكایهتی دهكات.
