چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئه‌ندامێكی ئه‌نجوومه‌نی سه‌ركردایه‌تیی كه‌ركووک – گه‌رمیانی پارتی دیموكراتی كوردستان رایدەگەیەنێت، گەڕانەوەی پارتی بۆ سەنگی کورد لە کەرکووک گرنگە و دەشبێ حەشدی شەعبی لەناو کەرکووک بچێتە دەرەوە.
د. فه‌رهاد كه‌ركووكی، ئه‌ندامی ئه‌نجوومه‌نی سه‌ركردایه‌تیی كه‌ركووک – گه‌رمیانی پارتی، راگەیاند: هەوڵەکان بۆ ئاساییكردنه‌وه‌ی دۆخی كه‌ركووک به‌رده‌وامن و لێژنه‌كان کاری خۆیان دەکەن.
فەرهاد کەرکووکی پێیوایە تاکە رێگر لەبەردەم ئاساییکردنەوەی بارودۆخی شارەکە، میلیشیاکانی حەشدی شەعبین، ”دەبێ حەشدی شەعبی و سوپا لەناو شاری کەرکووک بچنە دەرەوە و ئەمنیەت بە پۆلیس بسپێردرێت“.
ئەو بەرپرسەی پارتی ئاشکراشی کرد، کە نەتەوە یەکگرتووەکان بەشداریی کۆبوونەوەکانی ئاساییکردنەوەی رەوشی کەرکووک لە نێوان هەولێر و بەغدا دەکات.
لەبارەی گەڕانەوەی پارتی بۆ کەرکووک، فەرهاد کەرکووکی رایگەیاند: ”ده‌بێت“ پێش هه‌ڵبژاردنی پێشوەختە، کە بڕیارە لە رۆژی 10-10-2021 بەڕێوە بچێت، پارتی بگه‌رێته‌وه، چونکە ”بوونی پارتی بۆ سەنگی کورد لەو شارە، گرنگە“.
