چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
كه‌مێك پێش ئێستا چەند گولە هاونێك ئاراستەی سەنگەرەکانی ھێزی پێشمەرگەی کوردستان کرا.
نووری حەمە عەلی، بەرپرسی میحوەری رۆژئاوای کەرکووکی ھێزی پێشمەرگەی کوردستان راگەیاند، سێ مووشەک ئاراستەی میحوەری پێنجی پێشمەرگە لە پردێ کراون و “زیانی نەبووە.”
هاوکات نووری حەمە عەلی ئاماژەی بەوە کرد، نازانن لە کوێوە مووشەکەکان ئاراستەکراون و لە لێکۆڵینەوەکانیان بەردەوامن.
هاونیشتمانییەک بەناوی ئیسماعیل فەلاح مەحموود، دانیشتووی گەڕەکی ئازادی لە پردێ بە تۆڕی میدیایی رووداوی راگەیاند، لە دەوروبەری پردێ دەنگی تەقەیەکی زۆر دێت و “دەنگی دۆشکەیشی تێدایە.”
ئەو هاونیشتمانییە باسی لەوەشکرد، هێزێکی زۆری ئەمنی لەنێو پردێ بڵاوەیان پێکراوە.
.
