چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئێوارەی ئەمڕۆ یەكشەممە مەسرور بارزانی سەرۆکی حکوومەتی هەرێمی کوردستان پرسەنامەیەكی بۆ کۆچی دوایی سەردار ئاغای حەمەی عەبدورەحمان ئاغا کەسایەتیی دیار و تێکۆشەری شاری سلێمانی و پێشمەرگەی شۆڕشی ئەیلوول بڵاو كردەوە.
لە پرسەنامەكەی سەرۆکی حکوومەتی هەرێمی کوردستاندا هاتووە “بە داخەوە هەواڵی کۆچی دوایی سەردار ئاغای حەمەی عەبدورەحمان ئاغا کەسایەتیی دیار و تێکۆشەری شاری سلێمانی و پێشمەرگەی شۆڕشی ئەیلوولم بیست و خەمباری کردین. سەرەخۆشی لە بنەماڵەی بەڕێزیان و گشت کەسوکاریان دەکەم. هیوادارم خوای گەورە گیانی بە بەهەشتی بەرین شاد بکات و سەبر و ئارامییش بە کەسوکاری ببەخشێت”.
