چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەركردەیەكی كۆمەڵی ئیسلامی دەستخۆشی لە بڕیارەكەی حكوومەتی هەرێمی كوردستان دەكات بە پێكهێنانی هێزی هاوبەشی هەردوو وەزارەتی ناوخۆ و پێشمەرگە بۆ كۆتاهێنان بە دیاردەی قاچاخچیەتی لە خاڵە سنوورییەكان.
لە كۆبوونەوەكەدا ئەنجوومەنی وەزیران هەردوو وەزارەتی ناوخۆ و پێشمەرگەی راسپارد بۆ پێكهێنانی هێزێكی تایبەت و هاوبەش بۆ رێگەكرتن لەهەر پێشێلكاری و سەرپێچی و كارێكی نایاسایی لە سەرجەم دەروازە سنوورییەكانی هەرێمی كوردستان و جێبەجێكردنی یاسا و رێكارەكان لە دەروازەكان بەبێ جیاوازی.
سەباح قارەمان، ئەندامی سەركردایەتی كۆمەڵی ئیسلامی كوردستان،راگەیاند، هەر هەنگاوێك كوردستان بەرەو چاكسازی بەرێت، دەستخۆشی لێ دەكەین و بە كارێكی باشی دەزانین، ئەگەر چاكسازی نەكرێت، حكوومەت ناتوانێ بەردەوام بێت، بۆیە ئەو بڕیارەی بۆ خاڵە سنوورییەكان دەركراوە و هێزی هاوبەشی وەزارەتی ناوخۆ و پێشمەرگەی بۆ پێكهێندراوە، ئەگەر ویستێكی سیاسیشی لەپشتەوە بێت، دەتوانرێت قاچاخچیەتی بنەبڕ بكرێت.
