چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەندامی سەركردایەتی پارتی دیموكراتی كوردستان لە سلێمانی/ هەڵەبجە، دووپات دەكاتەوە كە داهاتی مەرزەكانی سنووری سلێمانی، بۆ حكوومەت ناگەڕێتەوە و زۆربەی دەچێتە گیرفانی باندە قاچاخەكانی لاهوور جەنگی.
رزگار ئەژی ئەندامی سەركردایەتی پارتی دیموكراتی كوردستان لە سلێمانی/ هەڵەبجە، راگەیاند، ئەوەی لە دەڤەری سلێمانی دەگوزەرێت، لە رووی یاسایی و بەرنامەی حكوومەتەوە كە بڕیار وایە هەموو داهاتی خاڵە سنوورییەكان بگەڕێتەوە بۆ دەوڵەت و پێچەوانەی یاسایە و یەك ناگرێتەوە.
روونیشی كردەوە كە بەشی زۆری داهاتی ئەو خاڵە سنوورییانەی پارێزگای سلێمانی بەشێوەی قاچاخ وەردەگیرێت، ناچێتەوە سەر حیسابی داهاتی گشتی، بەڵكو بۆ باندە قاچاخەكانی لاهوورە و بەوەیش ئەو داهاتە هیچ سوودێك بە كوردستان ناگەیەنێت.
بەرپرسەكەی پارتی دەڵێ، ئەو هاوسەرۆكەی یەكێتی بەردەوام كار بۆ تێكدانی كوردستان و یەكڕیزی لایەنەكان دەكات.
دوای ئەوە لەلایەن تاقمەكەی لاهوور جەنگییەوە چەندان خۆپێشاندەر كوژران، ئێستە بۆ موزایەدە و رووسپیكردنەوەی خۆی، لاهوور جەنگی سەردانی ماڵەكانیان دەكات. دەیەوێ سوڵح لەگەڵ ماڵباتی ئەوانە بكات كە لەلایەن كۆمیتەكانی یەكێتییەوە تەقەیان لێ كرا.
