چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مامۆستایەكی زانكۆ ڕای دەگەیەنێت، ئەو كارەی ئەو پەرلەمانتارانە لە بەغدا دەیكەن، كاركردن بۆ دەستێكی دەرەكی و ئەگەر بۆ خیانەتێكی تریش هەیە.
هاوكار یاسین مامۆستای زانكۆ،ڕاگەیاند، ئەو هەوڵەی لەلایەن چەند پەرلەمانتارێك بۆ گواستنەوەی مووچەی فەرمانبەرانی كوردستان بۆ سەر بەغدا دەستیان پێ كردووە، هەوڵێكی شكستخواردووە هاوشێوەی هەوڵەكانی عەبادی و ئەوانی تر.
ئەو مامۆستایە گوتی، ئەو پەرلەمانتارانە خۆشیان دەزانن لە ڕووی دەستووری و یاساییەوە ڕێ پێنەدراوە، بەڵام بە دەستێكی دەرەكی ئەو هەوڵەیان دەست پێ كردووە، هەروەها حكوومەتی عێراق دەزانێت بەڕێككەوتن لەگەڵ حكوومەتی هەرێمی كوردستان كێشەكان چارەسەر دەبێت.
لەبارەی پیلانێكی ژێر بەژێری ئەو پەرلەمانتارانە كە ئێستە عەرەبەكان پشتگیرییان دەكەن و باس لەوەیش دەكرێت لە داهاتوو ئەوان لە لادانی مادەی 140 دەبێت پشتگیرییان بكەنەوە، گوتی ئەوان هەموو هەوڵێكیان خستووەتە گەڕ دژی هەرێمی كوردستان، بۆیە بوونی گومانێكی لەو شێوەیە ئێستە لە شەقامی سیاسی باس دەكرێت، ئەگەرێكی كراوەیە.
