چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئێوارەی ئەمڕۆ سێشەمە 2020.11.17، بهسهرپهرشتی ماڤپەروەر، هێمن قادر، پارێزگاری هەولێر بەوەکالەت و بەئامادەبوونی ئەندازیار عەلی ڕەشید، سەرۆکی ئەنجومەنی پارێزگای هەولێر و تەواوی ئەندامانی ژووری ئۆپەراسیۆن، ژووری ئۆپەراسیۆنی پارێزگای هەولێر بۆ بەرەنگاربوونەوەی ڤایرۆسی کۆرۆنا، لەدیوانی پارێزگا کۆبووە و کۆبوونەوە گەیشتە ئەم بڕیارانەی لای خوارەوە:-
یەکەم/ ژووری ئۆپەراسیۆنی پارێزگای هەولێر بۆ بەرەنگاربوونەوەی ڤایرۆسی کۆرۆنا، سوپاس و ستایشی دانیشتوانی سنووری پارێزگای هەولێر دەکات کە لەماوەی دووهەفتەی ڕابردوو بەهۆی پابەندبوونیان بەڕێنماییە تەندروستییەکان و ڕێکارەکانی خۆپارێزی، تاڕادەیەک توانراوە لە سنووری پارێزگاکەمان بەشێوەیەک ڕێژەی تووشبوون بەکۆرۆنا کەمبێتەوە، ئەمەش ماییە خۆشحاڵییە، بۆیە تکا لەهاوڵاتییانی شارەکەمان دەکەین پابەندی بڕیار و ڕێنماییە تەندروستیی و ڕێکارەکانی خۆپارێزیبن و زۆرهەستیارانە مامەڵە بکەن و خۆیان بەدووربگرن لە شوێنە قەرەباڵغەکان و دەمامک ببەستن، لەپێناو پاراستنی ئاسایشی تەندروستیی شارەکەمان و سەلامەتی گیانی هاوڵاتییانی، هەروەها سوپاس و ستایشی یەکەکارگێڕییەکان، تیمەکانی تەندروستیی، شارەوانییەکان، هێزەکانی(پۆلیس، ئاسایش، زێرەڤانی، هاتووچۆ) دەکەین، کە جوامێرانە لەپێناو پاراستنی ئاسایشی تەندروستی شارەکەمان و جێبەجێکردنی ڕێکارەکانی خۆپارێزی لە کۆرۆنا و سەلامەتی گیانی هاوڵاتییانی شارەکەمان لەئەرکدابوونە.
دووەم/ داوا لەسەرجەم هاوڵاتییانی سنووری پارێزگای هەولێر دەکەین، بەو پەڕی هەستکردن بەبەرپرسیاریەتی لەم بارودۆخەدا، لەپێناو سەلامەتی خۆیان و ئازیزانییان پابەندبن بەڕێنماییە تەندروستییەکان و ڕێکارەکانی خۆپارێزی لەکۆرۆنا بەتایبەتی بەستنی (دەمامک)، هەرکەسێک ڕەچاووی بەستنی (دەمامک) و ڕێکارەکانی خۆپارێزی لەڤایرۆسی کۆرۆنا نەکات، ڕووبەڕووی ڕێکاری یاسایی دەبێتەوە.
دووەم/ داوا لەمامۆستایانی ئاینی و پێشنوێژی مزگەوتەکان دەکەین، لەجێبەجێکردنی ڕێنماییە تەندروستییەکان و ڕێکارەکانی خۆپارێزی هاوکارمانبن:-
1- بەهیچ شێوەیەک نوێژخوێن نابێت منداڵ لەگەڵ خۆی ببات بۆ ناو مزگەوت.
2- ڕێگە نەدەن نوێژخوێن بەهیچ شێوەیەک بەبێ بەستنی (دەمامک) و بەرماڵی تایبەتی خۆی بۆ نوێژکردن بڕواتە ناو مزگەوت.
هەر مزگەوتێک پابەند نەبێت، بەپێی ئەو دەسەڵاتەی پێماندراوە دادەخرێت.
سێیەم/ (نۆڕینگە، سەنتەر و کۆمەڵگا پزیشکییەکان، نەخۆشخانە ئەهلییەکان) و هەموو ئەو هاوڵاتییانەشی بەمەستی چارەسەر سەردانیان دەکەن، دەبێت پابەندی جێبەجێکردنی ڕێنماییە تەندروستییەکان و ڕێکارەکانی خۆپارێزی لەکۆرۆنابن، بەتایبەتی بەستنی (دەمامک)، هەرشوێنک پابەند نەبێ، ڕێکاری یاسیایی لەبەرمبەردا دەگیرێتەبەر و شوێنەکە بە پێبژاردن و داخستن سزادەدرێت.
چوارەم/ هەموو ئەو شوێنانەی کراوەن، (مۆڵ، مارکێت، شوێنە بازرگانیەکان، بازار، چێشتخانه)، پێویستە تەواوی مەرجە تەندروستییەکان و ڕێکارەکانی خۆپارێزی جێبەجێبکەن لەبەستنی (دەمامک، دووری مەودای نێوان هاوڵاتییان، دروست نەکردنی قەرەباڵغی، دانانی هێمای نۆرەی هاوڵاتییان لەسەر زەوی بەتایبەتی لای کاشیرەی مۆڵ و مارکێتەکان و پێشوازی هوتێل و موتێلەکان)، ههرشوێنێك ئەم رێنماییانە بەتایبەتی بەستنی(دەمامک)جێبهجێنهكات، لێژنەی قایمقامیەتەکان، تیمەکانی تەندروستی، شارەوانی، چاودێری بازاڕ، هێزە ئەمنییەکان ڕاسپێردراون، دهستبهجێ شوێنەکە دادەخەن.
پێنجەم/ (پێشانگاکانی ئۆتۆمۆبێل، بازاڕە میللیەکان، گۆڕەپانەکانی باڵندە، هاوینە هەوارەکان، شوێنە گەشتیاریی و گەشتیارەکانیان) دەبێت ڕەچاووی ڕێنماییە تەندروستییەکان و ڕێکارەکانی خۆپارێزی بکەن و پابەندبن بە بەستنی(دەمامک)، هەرشوێنک پابەند نەبێت، ڕێکاریی یاسایی لەبەرامبەردا دەگیرێتەبەر.
شەشەم/ بۆچاودێریکردن و جێبەجێکردنی ڕێنماییە تەندروستییەکان و ڕێکارەکانی خۆپارێزی لەکۆرۆنا لەشوێنە گشتییەکانی(کۆمەڵگا، قەزا، ناحییەکان)ی سنووری پارێزگای هەولێر، مەفرەزەی گەڕۆک لەهێزە ئەمنیەکان پێکهێنراوە، هەر کەس و لایەنێک پابەند نەبێت ڕێکاری یاسایی لەبەرامبەردا دەگێرێتەبەر.
حەوتەم/ هۆشداری دەدەینە سەرجەم شۆفێرانی (تەکسی، تایبەت، پاس، مینی پاس) پابەندی ڕێناماییە تەندروستییەکانبن و خۆیان و سەرنشینەکانیان (دەمامک) ببەستن، هەر کەسێک سەرپێچی لەم بڕیارە بکات، لەلایەن پۆلیسی هاتووچۆ ڕێکاریی یاسایی لەبەرامبەردا دەگیرێتەبەر بەپێبژردن و دەستبەسەرداگرتنی ئۆتۆمبێلەکەی.
هەشتەم/ ئەم شوێنانە بەداخراوی دەمێنەوە:- (هۆڵهكانی بووك گواستنهوه، ههموو جۆرە گردبوونەوە و کۆنفرانس و کۆبوونەوەیەک).
نۆیەم/ ئەم شوێنانە لەکاتژمێر (12)ی شەو دادەخرێن:- (یانهی شهوانه، نێرگهلهكێشان، یانهكانی مهی خواردنهوه (بار)، لایف موزیك، ئاههنگی شهوانەی یانەکان)
دەیەم/ (پرسەدانان لە(هۆڵ-ماڵ-ژێرخێوەت)، مەراسیمی سەرقەبران) قەدەغەیە، بنکەی پۆلیس و موختاری گەڕەک بەرپرسیارن، هەرکەسێک پابەندنەبێت، بەپێی بەیانی ژمارە (52)ی ساڵی 2020ی وەزارەتی ناوخۆی حکومەتی هەرێمی کوردستان، ڕێکاریی یاسایی لەبەرامبەردا دەگیرێتەبەر.
یانزدەیەم/ سەرجەم بازگەکانی سنووری پارێزگای هەولێر ئاگادار دەکەینەوە، ڕێگە بەهیچ گروپێکی گەشتییاری و کەسێک نادرێت بەبێ بەستانی (دەمامک) داخڵی سنووری پارێزگای هەولێر بێت، بەپێچەوانەوە ڕێکاری یاسایی لەبەرامبەر کۆمپانیا گەشتیارییەکان دەگیرێتەبەر.
سێزدەیەم/ سهرجهم فهرمانبهرانی فهرمانگهكان دهبێت (دهمامك) ببهستن، ههر فهرمانبهرێك له كاتی دهوام (دهمامك)ی نهبهستابێت رێكاری كارگێری بهرامبهری دهگیرێته بهر، هیچ هاوڵاتییهك و موراجعێك بۆ ڕاییکردنی مامەڵەکانییان بهبێ بهستنی (دهمامك) بۆی نییه بچێته ناو هیچ فهرمانگهیهك، بە پێچەوانەوە بەرپرسی فەرمانگەکە ڕوو بەڕووی ڕێکاری یاسایی دەبێتەوە.
ژووری ئۆپەراسیۆنی پارێزگای هەولێر
2020.11.17
