چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ڕێكخه‌ری گشتی بزووتنه‌وه‌ی گۆڕان له گوتارێكی له‌به‌رده‌م ئه‌ندامانی باڵای حزبیه‌كه‌ی ده‌ڵێ، سه‌ردانی هه‌موو حزبه‌كانمانكرد، لێكتێگێشتنی باش هه‌یه بۆ ڕێكه‌وتن و لێكنزیكبوونه‌وه ده‌بێت هه‌مومان خه‌می پاراستنی قه‌واره‌ی هه‌رێمی كوردستانمانبێت سه‌ددساڵه خه‌بات بۆ ئه‌م قه‌واره ده‌كه‌ین.
عومه‌ر سه‌ید عه‌لی له‌باره‌ی پشتیوانی یه‌كێتی و جه‌ماعه‌تی لاهوور جه‌نگی هاندانی هاوڵاتییان بۆ خۆپێشاندان ده‌ڵێ، به سه‌رانی یه‌كێتییم گوت، وه‌رن واز له بردن و ده‌ست گرتن به‌سه‌ر مه‌رزه‌كاندابهێنن ئێوه دووگ و هێلكه ئاودیوده‌كه‌ن و هیچ گوومرگێك ناده‌ن، ده‌ستان به‌سه‌ر ده‌روازه گومرگییه‌كان گرتووه.
هه‌روه‌ها ده‌ڵێ، ئه‌گه‌ر ئێوه پشتیوانی هاوڵاتییانن وه‌رن، پاره‌ی گومرگ بگه‌ڕێننه‌وه با بتواندرێت مووچه‌ی مانگانه‌ی هاوڵاتییانی پێ دابینبكرێت، ئێوه هێزی سه‌ربازی ده‌به‌ن و له ده‌روازه‌كانه‌وه كاڵای قاچاخ ئاودیوده‌كه‌ن و هیچ گومرگێكیش ناده‌ن.
