چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
فەرماندەیەكی پێشمەرگە ڕای دەگەنێت كە ڕۆڵ و پێگەی سەرۆك بارزانی لە شەڕی دژ بە داعش ڕۆڵێكی گرینگ بوو و وڵاتانی زلهێز پەیوەندییەكی باشیان لەگەڵ سەرۆك بارزانی هەبووە.
بابەكر زێباری، فەرماندەی پێشمەرگە، ڕاگەیاند: ” ئەوكاتەی تیرۆرستانی داعش هێرشیان دەكرد، دەبوایە نووری مالیكی، سەرۆك وەزیرانی ئەوسای عێراق ڕێگە بدات هێزی پێشمەرگە داخلی مووسڵ بێت، بەڵام مالیكی قەبووڵی نەكرد، سەرۆك بارزانی دەیوست مووسڵ نەكەوێت.
ڕوونی كردەوە: “لە دوای داگیركردنی مووسڵ، سەرۆك بارزانی چووە سحێلا و لەوێ بارەگای دانا و سەرپەرشتیی ڕاستەوخۆی هێزی پێشمەرگەی كوردستانی دەکرد و نزیكەی 80 دەوڵەتی هاوپەیمان كە ئەمریكا سەركردایەتی دەكردن.
ڕاشی گەیاند: “وڵاتان پێیان وابوو شەڕی داعش، شەڕی شیعە و سوننەیە، بەڵام كە هاتن بۆ كوردستان، سەرۆك بارزانی بە وڵاتانی گوت ئەوە شەڕی شیعە و سوننە نییە، ئەوە شەڕی دژی تیرۆرە و ئەوان كورد و عەرەب و مەسیحی و موسڵمان و توركمان هەموو كەسێك دەكوژن.
