نوێترین هەواڵ
سەرەتا / کوردستان / پەیامی بەرێز مەسرور بارزانی
سەرۆکی حکومەتی هەرێمی کوردستان
لە ساڵیادی جێنۆسایدکردنی بارزانییەکان

پەیامی بەرێز مەسرور بارزانی
سەرۆکی حکومەتی هەرێمی کوردستان
لە ساڵیادی جێنۆسایدکردنی بارزانییەکان

لە ساڵیادی جێنۆسایدکردنی بارزانییەکان، يادی قوربانییانی کۆمەڵکوژیی و تاوانێکی دڕندانەی ڕژێمی پێشووی عێراق دەکەینەوە کە شاڵاوەکانی ئەنفالی هەموو کوردستانی بەدوا داهات.لەم یادە خەمناکەدا، سەری ڕێز و نەوازش بۆ گیانی پاکی شەهیدانی بازرانی دادەنوێنین و هەمیشە بە ڕێز و شکۆوە یادیان دەکەینەوە.

لە درێژایی سەد ساڵی ڕابردوودا، دەڤەری بارزان چەندین جار ڕووبەڕووی هێرش و پەلاماری دوژمنانی کوردستان و سووتان و کۆمەڵکوژی و وێرانکاری بووەتەوە. بەڵام هەمیشە خەڵکی نیشتمانپەروەر و ستەملێکراوی ئەم دەڤەرە و کوردستان بەگشتیی، بە شێوەیەکی قارەمانانە و لە خۆبردووانە ، بەرگریان لە کوردستان کردووە و خۆڕاگرانە، دوژمنان و نەیارانی کوردستانیان تێکشکاندووە.

وەک هەمیشە دووپاتی دەکەینەوە کە حکومەتی فیدراڵ، پێویستە ئەرکی یاسایی و بەرپرسیاریەتی دەستووریی خۆی بەرامبەر بە قوربانیانی جێنۆسایدی ئەنفال و کیمیابارانکردنی کوردستان و هەموو قوربانیانی دەستی ڕژێمی پێشوو جێ بە جێ بکات و چیتر مافەکانیان پشت گوێ نەخات.

خەڵکی نیشتمانپەروەری كوردستان ، هەرگیز ئەم تاوانانەیان لە بیر ناچێتەوە و دەبێ نەوە لەدوای نەوە، بزانن کە گەلی کوردستان بە گشت پێکهاتەکانییەوە ، قوربانییەکی زۆری لە پێناو پاراستنی ناسنامەی نیشتمانی و مافە ڕەواکانی داوە و هەرگیز دەستبەرداریان نابێت و بەرەنگاری هەموو ئەوانەش دەبێتەوە کە هەوڵی داگیرکاریی و دووبارەکردنەوەی سیاسەتی شۆڤێنی و تاوانەکانی ڕابردوو دەدەن.

سڵاو لە گیانی پاکی شەهیدانی جێنۆسایدی بارزانییەکان و گشت شەهیدانی کوردستان.

مەسرور بارزانی
سەرۆکی حکومەتی هەرێمی کوردستان
2025/7/31

بەپەلە

مه‌سرور بارزانی: گوتیان دەتانڕووخێنین، دەتانوەستێنین، تێكی دەدەین، گوتمان ناتوانن و نەشیانتوانی

دەقی گوتاری مەسرور بارزانی، جێگری سەرۆكی پارتی: دەستخۆشیتان لێ دەكەم و ماندوو نەبن، دەزانم زەحمەتە …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *