چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەمڕۆ یەكشەم شاندێكی دەم پارتی پێكهاتوو لە پەروین بۆڵدان پەرلەمانتاری حزبەكە و فایەق ئۆزگور پارێزەر سەردانی عەبدوڵا ئۆجەلان رێبەری گیراوی پەكەكەیان لە گرتووخانەی ئیمرالی كرد، لە رێگەی ئەوانەوە ئۆجەلان پەیامێكی رەوانە كرد و تیایدا داوای پەیماننامەیەكی نوێی لەسەر بنەمای ماف و برایەتی كرد.
ئۆجەلان لە پەیامەكەی بە پێویستی زانی پەیماننامەیەكی نوێ هەبێت لەسەر بنەمای ماف و برایەتی و گوتی، ئەوەی ئەنجامی دەدەین گۆڕانكارییەكی گەورەی هزرییە، بەداخەوەم دوایین جار نەمتوانی قسە لەگەڵ سری سورەیا ئۆندەر بكەم، كە بەهایەكی گەورەی هەیە و پێویستە لە ناومان بژیت، كەسێكی دانا بوو.
روونی كردەوە، كڕۆكی پێوەندیی كورد و تورك شتێكی تەواو جیاوازە، ئەوەی لەناو دەبڕێت پێوەندیی نێوان براكانە، ئەوان شەڕی یەكتر دەكەن و كەسیان بێ یەكتر بوونیان نابێت، بۆیە ئەو تەڵە و پاشماوانە لادەبین كە ئەو پێوەندیە لەناو دەبات، هەموو رێگە زیانلێكەوتووەكان و پردە رووخاوەكان چاك دەكەینەوە.
ئەمڕۆ یەكشەم شاندێكی دەم پارتی سەردانی عەبدوڵا ئۆجەلان رێبەری گیراوی پەكەكەی لە ئیمرالی كرد و ئەوان باسی قۆناغی دوای كۆنگرەی 12ی حزبەكە و خۆهەڵوەشاندنەوەیان كرد، ئەمەش پێنجەم سەردانی شاندی دەم پارتییە بۆ ئیمراڵی لەبارەی پرۆسەی نوێی ئاشتی لە توركیا.
