مانگی تەممووزی 2023، جارێکی دیکە بەهای دیناری عێراقی بەرامبەر بە دۆلاری ئەمەریکی بەشێوەیەکی بەرچاو دابەزی، دەگوترا وەزارەتی گەنجینەی ئەمەریکا سزای بەسەر ژمارەیەک بانکی عێراقی دا سەپاندووە.
لەوبارەوە وەزارەتی دەرەوەی ئەمەریکا لە وەڵامی چەند پرسیارێکی پەیامنێری کوردستان24، لە واشنتن جەختی لەسەر ئەوە کردەوە، ئەوان سزای ئەو 14 بانکە عێراقییەیان نەداوە، بەڵکو لە 19ـی تەممووزی 2023ـەوە، وەزارەتی گەنجینەی ئەمەریکا 14 بانکی لە دەستگەیشتن پەنجەرەی بازرگانیکردن بە دراوی بیانی بانکی ناوەندیی عێراق دوورخستنەوە کە بە مەزاتی دۆلار ناسراوە.