چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەلام كەریم ئەندامی مەكتەبی سیاسی بزووتنەوەی ئیسلامی كوردستان، ڕاگەیاند: ” هەر سەركردە و حزبێك دەستپێشخەری بكات بۆ یەكڕیزی ناوماڵی كورد پێشوازی لێدەكەین، دەمێكە چاوەڕێی ئەوە لە سەرۆك بارزانی دەكرێت، لەم سەردەم و قۆناغە لە كەسایەتییە لە پێشینەكانی خەباتی كوردستانن.
دەڵێ: ” كوردستان پێویستی بە یەكدەنگی و یەكهەڵوێستی هەیە، ئێستە كاتی ئەوەیە لایەنە سیاسییەكان ناكۆكییەكانیان وەلاوە بنێن تا كورد لە سەرئاستی دەوڵەتانی ئیقلیمی و عێراق بە كاریگەری رۆڵی خۆی ببینێت.
داوایشی كرد كە لایەنە سیاسییەكان بەدەم دەسپێشخەرییەكەی سەرۆك بارزانییەوە بچن، چونكە ئەو مەرجەعی باڵای كوردە و دەتوانێ هەمووان بۆ گفتوگۆ و چارەسەری كێشەكان كۆ بكاتەوە.
ئەمڕۆ پێنجشەم 11ی ئایار، لەمیانی كردەوە یادگەی نیشتمانی بارزانی، سەرۆك بارزانی وتارێكی پێشكەشكرد و تیایدا دەسپێشخەری كرد كە لایەنە سیاسییەكانی كوردستان لەسەر كێشەكان كۆببنەوە و پێش ئەوەیش مەكتەبی سیاسیی پارتی و یەكێتی گفتوگۆ بكەن و هیچ رەوشێكی تەمومژاوی لەنێوانیاندا نەمێنێت.
