چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
وردەکارى قسەکانى لەم لینکەدایە
عەلی عەونی ئەندامی كۆمیتەی ناوەندی پارتی دیموكراتی كوردستان، راگەیاند، ئەوەی كە حەزی لە رووخانی قەوارەی هەرێمە، دەبێت گومان لە كوردبوونی خۆی هەبێت، هەر كوردێك زەڕەیەك شەرەف و غیرەتی هەبێت، حەز بە بەردەوامی و گەشەسەندن و بەهێزبوونی قەوارەی هەرێم دەكات تا دەگاتە سەربەخۆبوونیش.
باسی لەوە كرد، ئەو قەوارەیە تەنیا بۆ باشووری كوردستان نییە، بەڵكو جێی ئومێد و هیوای 50 ملیۆن كوردە، قەوارەی هەرێم بە هیمەتی كورد رادەوەستێ، ئەوانەی هیوایان بەو هەرێمە هەیە زۆر زیاترن لەو گەوج و گوجەرانەی كە هیوای نەمانی دەخوازن.
ئەو بەرپرسەی پارتی ئاماژەی بۆ ئەوەیش كرد كە ئەوانەی چەپڵەی رووخانی هەرێم لێ دەدەن، خۆفرۆشن و غەریبی ژێردەستەی دەسەڵات و پۆستاڵی رژێمی بەعس و عەرەب دەكەن، ئەو رۆڵەی یەكێتیش كە دەیگێڕێت و خراپی دۆخەكە، وەك كەری دێزی لێ هاتووە كە حەز بە تۆپینی خۆی دەكات بۆ ئەوەی زیان لە خاوەنەكەی بدات.
