چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
كه‌ریم عه‌لی،ئەندامى فڕاکسیۆنى گۆڕان لە ئەنجوومەنى پارێزگاى سلێمانى،ڕایگەیاندووە:”ده‌بێت به‌رپرسانی ئه‌م زۆرنه واز بهێنن لە به‌لاڕێدابردنی داهات و داهاتی سنووره‌كان بگه‌ڕێته‌وه بۆ حكوومه‌ت و حكوومه‌ت داهاتی گشتی رێكی بخات و بیداته په‌رله‌مان، په‌رله‌مان چاودێریی خه‌رجییه‌كان بكات و له رێگای وه‌زاره‌تی داراییه‌وه دەست بە ئاوه‌دانی بكرێته‌وه.
جەختیشی كردەوە: “مانای نییه له زاخۆ پاره هه‌یه له سلێمانی نییه، ئەی پاره‌ی سلێمانی چی لێهات؟ كێ ده‌یبات و كێ ده‌یدزێت؟ ئه‌مه‌یه گرفته‌كه، داهات له سلێمانی زۆره، به‌ڵام ئیداره‌دانی خراپه، دوو مانگه بەڕێوەبەری بانكه‌كانی سلێمانی گۆڕاوه، ئێستا مووچه گرفتی نییه، هه‌ندێك پرۆژه‌ی بچووك كه‌وتوونه‌ته‌وه كار و پاره زۆره و داهات زۆره، به‌ڵام دزییه‌كی بێ وێنه له سلێمانی هه‌یه، دزییەكه ئابڕووی هه‌موو ئیداره‌ی ناوچه‌كه‌ی بردووه.
كه‌ریم عه‌لی، راشیگه‌یاند: “حسابی یه‌ك كۆمپانیای په‌روێزخان بۆ خه‌ڵكی گه‌رمیان دابنرێت، داهاتی یه‌ك رۆژی مه‌رزی په‌روێزخان بۆ مانگی 2ی ئه‌مساڵ یەك ملیار و 600 ملیۆن دینار بووه، له‌و پاره‌یه چه‌ك و نه‌قد بەبێ دواكه‌وتن 350 ملیۆن دینار رۆژانه دراوه‌ته كۆمپانیاكان، له‌و پارەیە 300 نا، 200 ملیۆن دینار رۆژانه بۆ گه‌رمیان دانێ، ساڵێكی دیكه ئه‌گه‌ر رێگای گه‌رمیان گرفتی هه‌بوو هه‌قتان هه‌بێت.
