چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەمڕۆ چوارشەممە 5/1/2022، هەردوو شاندی ئەمڕۆ شاندی دانوستاندکاری پارتی و یەکێتی کۆبوونەوە و دوای کۆبوونەوەکەش هۆشیار زێباری، ئەندامی مەکتەبی سیاسیی پارتی بۆ رۆژنامەوانان رایگەیاند: “ئەمڕۆ یەکەمین کۆبوونەوەمان کرد لە نێوان شاندی دانوستاندکاری پارتی و یەکێتی، باسی بارودۆخی ئێستای سیاسیی عێراق و پەیوەندییەکانی نێوان پارتی و یەکێتیمان کرد”.
گوتیشی: “جەختمان لەسەر ئەوە کردەوە کە پێکەوە دەبێ کار بکەین، تەنانەت لەگەڵ بەغداش بۆ دانوستاندن هەوڵبدەین پێکەوە بیکەین”.
ئاماژەشی بەوەدا: “نۆی مانگ دەستنیشانکراوە ئەندامانی پەرلەمانی نوێی عێراق کۆببنەوە پرۆسەکە لەوێ دەست پێ دەکات، پێش ئەوە هەوڵی جدی دەدەین کە پارتی و یەکێتی لایەنەکانی دیکەی کوردستانیش بەشداری بکەن، بەڵام ئەو پەیوەندییەی ئێمە و یەکێتی گرنگە”.
لای خۆیەوە، عیماد ئەحەمەد، ئەندامی مەکتەبی سیاسی یەکێتی رایگەیاند: “ئێمە قسەمان لەسەر ماف و داواکاریی کوردستان کردووە، ئێمە دەچینە بەغدا بۆ ئەوەی مافی هەرێمی کوردستان مسۆگەر بکەین”.
