چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
شەوی رابردوو لە پێچەکانی کورتەکی بناری قەندیل ئۆتۆمبێلێک دوای وەرگەڕانی گڕ دەگرێت و سێ کەس تێیدا دەسووتێن. دوای ناسینەوەی تەرمەکان دەردەکەوێت شۆفێرکەی پێشمەرگەی هێزەکانی حەفتایە و دوو سەرنشینەکەی دیکەش گەریلای پەکەکە بوونە.
عەلی قادر گوتەبێژی پۆلیسی بەرگریی شارستانیی راپەڕین راگەیاند: “شەوی چوارشەممە 30-6-2021 لە پێچەکانی کورتەک ئۆتۆمبێلێکی جۆری کیا سیراتۆ دوای وەرگەڕانی گڕی گرتووەو سێ کەس تێیدا سووتاون و شۆفێرەکەی ناوی داوود حوسێن بووە کە دانیشتووی گوندی شیناوەی سەر بەشارۆچکەی قەسرێی قەزای چۆمانە و دوو سەر نشینەکەش گەریلای پەکەکە بوونە”.
گوتیشى: “دواى ئهوهى شهوى ڕابردوو دوو چهكدارى پهكهكه لهگهڵیدا له ئۆتۆمبێلهكه سهردهكهون و دهیانهوێت بچن بۆ شوێنێك له سوورهدێ، ئۆتۆمبێلى پێشمهرگهكه وهردهگهڕێت و ههڵدهدرێت و دهسووتێت، بههۆشیهوه پێشمهرگهكه و دوو چهكدارهكهى پهكهكه دهسووتێن و گیان لهدهست دهدهن”.
دواى ڕووداوهكه، تهرمى پێشمهرگهکە ڕهوانهى زێدى خۆى له شارهدێى قهسرێ لە دەڤەری باڵەکایەتی كراوهتهوه.
