چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
لەئێستادا ٥٠ ملیۆن تووشبووی ئەلزایمێر لە جیهاندا هەن و دەگوترێ تا ساڵی ٢٠٥٠ ئەم ژمارەیە ٣ بەرابەر دەبێت. بەرزبوونەوەی لەڕادەبەدەری تووشبووانی ئەلزایمێر بووەتە هۆی ئەوەی توێژینەوەگەلێکی زۆر لەم بوارەدا ئەنجام بدرێن. هەروەها توێژەران هۆکارەکانی تووشبوون بە فەرامۆشیان داوەتە بەر تاتوێ کردن و هەندێک دەرئەنجامی گرنگیشیان دەستەبەر کردووە کە لەدرێژەدا باسی دەکەین.
شێتی چەمکێکە کە کۆمەڵێک نەخۆشی لەخۆ دەگرێت کە لە مێشکدا روو دەدات و ئەلزایمێریش دەگرێتەوە. چەندین هۆکاری جۆراوجۆر دەتوانن ئەم مەترسییەوە بەرز بکەنەوە کە بەداخەوە زۆرینەمان لێ بێ‌ئاگاین. توێژینەوەکان لەم بوارەدا دەریدەخەن کە دابەزینی توانستی بیستن یەکێک لە هۆکارە مەترسیدارەکانە کە بەگشتی لە ماوەی ١٢ ساڵدا، تاقیکاری لەسەر ژمارەیەکی زۆر لە کەسەکان ئەنجام درا و بەم دەرئەنجامە گەیشتن کە دابەزینی توانستی بیستن لەم کەسانەدا مەترسیی ئەلزایمێری گەیاندووەتە ٢ بەرابەر و هەندێک جار ئەم ژمارەیە دەگاتە ٥ بەرابەریش.
بەپێی توێژینەوەیەک کە لەسەر ٢٧ ملیۆن کەس ئەنجام درا کە لە تەمەنی ٥٠ ساڵیدا کێشەی بیستنیان هەیە، لە هەر ٧ کەس یەک کەس کێشەی بیستنی هەبوو. ئەوان بەم ئاکامە گەیشتن کە ئەگەر توانستی بیستنی ئەم کەسانە بەهێز بکرێت، ئەگەری تووشبوون بە ئەلزایمێر کەم دەبێتەوە.
