به‌رپرسێكی باڵای گۆڕان:ڕێكه‌وتنی نێوان پارتی و گۆڕان له‌ به‌رژه‌وه‌ندی هاوڵاتیانی كوردستانه‌

19 Feb 2019

avatar

به‌رپرسێكی باڵای گۆڕان:ڕێكه‌وتنی نێوان پارتی و گۆڕان له‌ به‌رژه‌وه‌ندی هاوڵاتیانی كوردستانه‌


ئەندامێکی شاندی دانوستانکاری گۆڕان بۆ پێکهێنانی حکوومەت دەڵێ، دەمانەوێت ئەو ڕێککەوتنامەیەی نێوان پارتی و گۆڕان جێبەجێ بکەین و سوودی بۆ گەلی کوردستان هەبیت.


پارتی دیموکراتی کوردستان و بزووتنەوەی گۆران ڕێککەوتننامەیەکیان بۆ پێکهێنانی  کابینەی نوێی حکوومەتی هەرێم واژۆ کرد.


دانا عەبدولکەریم،ده‌ڵێ: "ئەو ڕێککەوتنامەیەی نێوان ئێمە و پارتی لە سەروو و تا خواروو لە بەرژەوەندیی هاووڵاتیانە و دەمانەوێت لەم کابینە نوێیەدا بژێوی ژیانی خەڵک خۆش بکەین."


دانا عەبدولکەریم دەڵێ: "هەموو هاوڕا بووین کە دەبێ دامەزراوەکان بە نیشتمانی بکرێن و لە قەوارەی سیاسیی هەرێم و گەشەپێدانی ئابووریی هەرێم لەم حکوومەتەدا کار بکەین."


دانا عەبدولکەریم لەبارەی هەندێ لایەن کە توانجیان لە گۆڕان داوە کە بەشداری لە کابینە دەکات، دەڵێ: "گۆڕان بە پێی ئیستیحقاقی خۆی ڕێککەوتنی لەگەڵ پارتی کردووە و هەموومان پێمان باش بوو بەشداری لە حکوومەتدا بکەین، ئەمە مافی ئێمەیە و دەبێ ئەوانەی دژایەتیمان دەکەن بە سیاسەتی خۆیاندا بچنەوە."

راپۆت