شارێك و شارستانییەتێكی پێشكەوتو لەسێگۆشەی بەرمۆدەدا دۆزرایەوە

انایانی بواری دەریایی ئاشكرایانكرد كە لەناوچەی سێگۆشەی بەرمۆدەدا شارێكیان دۆزیوەتەوە كە خاوەنی شارستانییەتێكی پێشكەوتوە.
پێگەی rsutu بڵاویكردۆتەوە، بولین زالیتسكی ژنە ئەندازیاری زانستی دەریاوانی ئاماژەی بەوە داوە: لەگەڵ كۆمەڵێك زانادا توانیویانە لەناوچەی سێگۆشەی بەرمۆدەدا لەناو زەریای ئەتڵەسی شارێكی تەواو بدۆزنەوە كە خاوەنی چەندین هەرەمی بەردییەو لەڕێگەی رۆبۆتەكانەوە چەندین نمونەیان وەرگرتوە بۆ لێكۆڵینەوە لەسەری، دەركەوتوە پێش 200 هەزار ساڵ دروستكراون و وردە وردە كەوتونەتە ژێر ئاو و پێش 50 هەزار ساڵ بەتەواوەتی دیار نەماون.
وتوشیەتی: چەندین بۆچون و بەڵگە هەیە لەسەر ئەو شارەو ئەو هەرەمانە، بەشێك لە زانایانی مێژو و شارەزایان پێیانوایە ئەو شارستانییە دەگەڕێتەوە بۆ كیشوەری ئەتڵەنتس كە ئێستا ئەو كیشوەرە نەماوە، بەشێكی تریش پێیانوایە كە دەگەڕێتەوە بۆ شارستانییەتێكی زۆر پێشكەوتو كە لەسەردەمی كۆندا هەبوە.
جێی ئاماژەیە، كیشوەری ئەتڵەنتس لەچەندین بەڵگەو نەخشەی كۆندا بونی هەیە، هەروەها ئەفلاتون باسی ئەو كیشوەرەی كردوە لەكاتی باسی خودای یۆنانییەكاندا، هەروەها لەیەكێك لەبەڵگەنامە كۆنە میسرییەكاندا باسكراوە كە فیرعەونێك داوای لەوەزیرەكانی كردوە گەشتێكی دەریایی بۆ ئەو ناوچەیە بكەن و بەدوای چارەنوسی ئەو شارەدا بگەڕێن كە باس لەوەدەكرێت دیار نەماوەو لەهەندێك نەخشەی كۆنی سەردەمی عوسمانییەكاندا بونی هەیە، بەڵام كیشوەری ئەتڵەنتس لەهیچ نەخشەیەكی نوێدا بونی نییە، هەروەها باس لەوە دەكرێت كە ئەو نەخشە كۆنەی سەردەمی عوسمانییەكان هەمان ئەو نەخشەیەیە كە كۆڵمبسی گەڕۆكی بەناوبانگ گەشتەكانی لەسەر كردوە بۆ دۆزینەوەی جیهان.